काठमाण्डु – नेपालमा पछिल्लो २४ घण्टामा ४ सय १२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार कुल संक्रमितको संख्या २ लाख ६३ हजार ६ सय ५ पुगेको छ ।

त्यस्तै पछिल्लो २४ घण्टामा ४ सय ८३ जना संक्रमित डिस्चार्ज भएका छन् । हालसम्म नेपालमा २ लाख ५६ हजार ६ सय ४४ जना कोरोना संक्रमित निको भएका छन् ।

हालसम्म १९ लाख ६९ हजार २ सय ९२ जनाको पीसीआर परीक्षण गरिएको मन्त्रालयले जनाएको छ । पछिल्लो २४ घण्टामा ४ जनाको मृत्यु भएको छ भने हालसम्म नेपालमा कोरोना संक्रमणबाट मृत्यु हुनेको संख्या १९ सय ३ जना पुगेका छन् ।