काठमाण्डु – प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन् । प्रधानमन्त्री ओलीले मंगलबार साँझका लागि बैठक बोलाएका हुन् । बैठक केहीबेरमा सुरु हुँदैछ ।

प्रधानमन्त्रीको सरकारी निवास बालुवाटारमा बस्ने बैठकले विभिन्न पदमा नियुक्ती र बढुवा गर्ने सम्भावना रहेको छ । त्यस्तै आजको बैठकमा विभिन्न देशमा रहेका राजदूतलाई फिर्ता बोलाउने सम्भावना रहेको एक मन्त्रीले जानकारी दिए ।