आइपीएलमा डेब्यू गर्दै नेपाली खेलाडी सन्दीप, विराट कोहलीको टीमविरुद्ध बलिङ
काठमाडौं – नेपाली युवा लेग स्पिनर सन्दीप लामिछाने इन्डियन प्रिमियर लिग (आईपीएल) मा डेब्यु गर्ने भएका छन्।
दिल्ली डेयरडेभिल्समा २० लाख रुपैयामा अनुबन्ध भएका सन्दीपले टीमको १२ औ खेलमा डेब्यु गर्न लागेका हुन्। उनी विराट कोहलीको कप्तानीमा रहेको रोयल च्यालेन्जर्स बैंग्लोरविरुद्ध बलिङ गर्नेछन्।
यससँगै सन्दीप आईपीएल खेल्ने पहिलोे नेपाली क्रिकेटर पनि बन्नेछन् ।
शुुक्रबार नै भारतीय प्रधानमन्त्री नरेन्द्र मोदीले काठमाडौंमा सन्दीप आईपीएलमा जोडिएपछि नेपाल र भारतको सम्बन्ध नागरिकस्तरमा झनै बलियो बनेको प्रतिक्रिया दिएका थिए।
दिल्लीले शुुक्रबार घरेलु मैदानमा रोयल च्यालेन्जर्स बैंग्लोरको सामना गर्दैछ। अघिल्लो खेलमा सनराइजर्स हैदरावादसँग पराजित भएसँगै दिल्लीको प्लेअफमा पुग्ने सम्भावना सकिसकेको छ।
