२३ मार्च, बुधबार बिहार विधानसभामा के भयो ?
नेता प्रतिपक्ष तेजस्वी यादव यसरी घटनाबारे जानकारी दिँदै भन्छन्, ‘आज बिहार विधानसभाले एउटा कालो कानून पेश गर्यो जसको विरोधमा हामी सबैजना एकमत थियौं । तर बिहारमात्रै होइन, देशको इतिहासमा यस्तो घटना पहिलो पटक घटित भएको हो । सदन भित्र प्रहरी बोलाइयो, एसपी र डीएम आफैंले सांसदलाई कुट्ने र घिसारेर बाहिर ल्याउने काम गरिरहेका थिए । महिला सांसद अनिता देवी, जो अति पिछडिएको समाजकी हुन्, उनको कपाल तानेर, साडी खोलेर, घिसारियो । आजको दिनलाई कालो दिनको रुपमा देशका जनताले याद राख्नेछन् ।’
सोसल मिडियामा पनि थुप्रै भिडियो भाइरल भइरहेका छन् जसमा सदनभित्र प्रहरी र प्रशासनका अधिकारीले सांसदमाथि लात र मुक्का बर्साइरहेको देख्न सकिन्छ ।
विधानसभाभित्र भएको हिंस्रक झडपमा दुई महिला सांसदसमेत कूल १२ सांसदलाई चोट लागेको छ । थुप्रै प्रहरी र मिडियाकर्मी घाइते भएका छन् । सबैलाई उपचारका लागि पीएमसीएचमा भर्ना गरिएको छ ।
नयाँ पुलिस विधेयकको विरोधः
बिहारका विपक्षले पछिल्लो केही दिनदेखि सदनभित्र सत्ता पक्षमाथि हमला गर्दै आएको छ । तर ताजा गतिरोधको जड बिहार विशेष सशस्त्र पुलिस विधेयक २०२१ हो जसलाई सरकारले भारी हंगामा र बबालबीच पनि मंगलबार सदनबाट पास गराइयो ।
विपक्षको आरोप अनुसार बिल पास भएपछि प्रहरीले यस्तो शक्ति पाएको छ कि उनीहरुले कुनै अदालती वारेन्ट बिना नै शंकाको आधारमा कसैलाई पक्राउ गरेर जेलमा राख्न सक्छ । यस्तै, सत्ता पक्षले भने यो बिल सामान्य पुलिसिङसँग सम्बन्धित नभई विशेष सशस्त्र प्रहरी बलसँग जोडिएको जानकारी दिएको छ ।
बिहारका नेता प्रतिपक्ष तेजस्वी यादवले बीबीसी हीन्दीसँग भने, ‘यो बिल लिएर आएर सरकारले प्रहरीलाई आफ्नो गुन्डा बनाउने कोसिस गरिरहेको छ । हिटलर झैं नीतीश कुमार पनि चाहन्छन् कि उनको इशारामा प्रहरी कुनै वारेन्ट बिना कसैलाई पनि उसको घरमा छिरेर पक्राउ गरोस् र जब हामी यो कालो कानूनको सदनभित्र विरोध गरिरहेका छौं तब प्रहरी बोलाएर हाम्रा सांसदलाई कुटिँदैछ । हामी जुन कानूनको विरोध गरिरहेका छौं, हामीविरुद्ध त्यहि कानून प्रयोग गरिँदैछ ।’
आज #लोहिया जी की जयंती और #शहीद भगत सिंह, राजगुरु व सुखदेव के शहीदी दिवस पर #बिहार में राजद तथा प्रतिपक्ष की ओर से जिस तरह की #गुंडागर्दी की गई, पहले सड़क पर और फिर सदन में उत्पात मचाया गया, उसकी #लोकतंत्र में कोई जगह नहीं है और जितनी भी निंदा की जाये कम होगी।#ShamelessRJD
— Sanjay Kumar Jha (@SanjayJhaBihar) March 23, 2021
सदनभित्र के भयो ?
बिहारका विपक्षी नेताहरूले नयाँ प्रहरी विधेयकको विरोध गर्न विशेष रणनीति अपनाएका थिए । एकातिर तेजस्वी यादवको नेतृत्वमा कार्यकर्ता र समर्थकहरूले सडकमा प्रदर्शन गरिरहेका थिए भने अर्कोतिर विपक्षी विधायकहरूले सदन भित्र हंगामा गरिरहेका थिए ।
हल्लाको बीचमा सदनको कामकारवाही बारम्बार स्थगित गरियो । प्रदर्शन गरिरहेका विधायिकाहरू सभामुखको कुर्सी नजिक पुगे । स्पिकरको हातबाट बिधेयकको कपी च्याते ।
क्या देश के इतिहास में किसी विधान सभा में यह शर्मनाक मंजर भी घटित हुआ है?
क्या विधायकों को विधानसभा में थप्पड़-घूसों से जानवरों की तरह पिटवाना संसदीय परम्परा है?
क्या यही जद(यू)-भाजपा का असली चेहरा है?
देखें, कांग्रेस MLA, श्री संतोष मिश्रा से जानवरों से बुरा वर्ताव?#Bihar pic.twitter.com/AE39MjmX0q
— Randeep Singh Surjewala (@rssurjewala) March 24, 2021
विपक्षीहरूले यत्तिको हंगामा गरे पनि सत्तारुढ दल विधेयक पारित गर्नमा अडिग थिए । यो प्रस्ताव पारित गर्नका लागि सभाको बैठक सुरु गर्न धेरै प्रयत्न गरियो । तर विपक्षीहरूले सभामुखलाई सभामा उपस्थित हुन नदिनको लागि उनको कोठा अगाडि घेरा हाल्न सुरु गरे ।
केही समय पछि प्रहरीलाई सदन भित्र बोलाइयो । दुबै एसएसपी र पटनाका डीएम भीड नियन्त्रणका लागि खटिए । प्रहरी र प्रशासन सदनमा प्रवेश गर्ने बित्तिकै विपक्षी विधायिकाको प्रदर्शन उग्र नै भयो । विधायकसँग तनावको अवस्था सिर्जना भयो र एसेम्ब्ली मार्शलले तिनीहरूलाई घिसारेर बाहिर तान्न थाले ।
#WATCH Bihar: Women MLAs of the Opposition being carried out of the Assembly building by women security personnel. They (MLAs) were refusing to allow Assembly Speaker Vijay Kumar Sinha to step out of his chamber. pic.twitter.com/Skj0LayFs4
— ANI (@ANI) March 23, 2021
प्रहरीले पुरुष विधायकहरुसँग यस्तो व्यवहार गरेको देखेर विपक्षी महिला विधायिका पनि सभामुखको छेउमा पुगे र प्रदर्शन गर्न थाले । त्यसपछि महिला पुलिस बलले जबरजस्ती उनीहरुलाई पनि घिसार्दै बाहिर ताने ।
पुरुष विधायिकामध्ये राजदका सुधाकर सिंह, सीपीआईएमका सत्येन्द्र कुमार, राजदका सतीश दास, महिला विधायक प्रतिमा कुमारी र अनीता देवी गम्भीर घाइते भएका छन् ।
कुटपिटको घटना पछि सदन फेरि सुरु भयो । यद्यपि विपक्षी दल यस पटक सभाबाट बाहिर निस्के । यद्यपि नयाँ प्रहरी विधेयक विपक्षीको उपस्थिति बिना सदनद्वारा पारित गरियो ।
तेरी तानाशाही और तेरे अत्याचार का हिसाब करेगा
आंदोलन में बहा लहू का एक एक कतरा इंसाफ़ करेगा
युवाओं की जवानी बर्बाद करने वाले, वक्त तेरा भी गणित ठीक करेगा
बेरोजगारों पर लाठियाँ चलाने वाले निर्दयी, समय युवाओं का भी आएगा pic.twitter.com/1uTrEm8vk9— Tejashwi Yadav (@yadavtejashwi) March 24, 2021
प्रतिक्रिया