काठमाण्डु – अमेरिकाबाट कोरोना भाइरसविरुद्धको फाइजर खोप केही दिनभित्रै आउने भएको छ ।  स्वास्थ्य तथा जनसंख्या मन्त्रालयका अनुसार १८ वर्षभन्दा कम उमेरकालाई दिन मिल्ने फाइजर खोप अमेरिकाबाट केही दिनभित्रै नेपाल आइपुग्न लागेको हो ।

दशैंअघि नै आउने भनीए पनि तर‚ द ग्लोबल एलायन्स फर भ्याक्सिन्स एन्ड इम्युनाइजेसन (गाभी) मार्फत आउने भनिएको १ लाख ६३० डोज फाइजर खोप दशैंका कारण रोकिएको थियो । 

नेपालमा हाल भएको भण्डार कक्षमा भण्डार गर्न कतिको उपयुक्त हुन्छ भनी परीक्षणका लागि गाभीले खोप अनुदानमा पठाउन लागेको जनाइएको छ ।

यसरी आउने खोप नेपालले कोभ्याक्स सुविधाअन्तर्गत पाउन लागेको हो । खोप भण्डारण गर्न सरकारले चारवटा कोल चेन तयार गरेको छ ।