काठमाण्डु – विवेकशील साझा पार्टी गण्डकी प्रदेशका १२ जना नेताले सामुहिक रुपमा पार्टी परित्याग गरेको घोषणा गरेका छन् ।

अध्यक्ष रवीन्द्र मिश्रले एकलौटी पार्टी चलाएको र आफूहरूले पार्टी परित्याग गर्नुपरेको भन्दै १२ जना नेताले आइतबार संयुक्त वक्तव्यमार्फत पार्टी छोडेको घोषणा गरेका हुन् ।

उनीहरुले आजैका दिनदेखि पार्टीको पदीय जिम्मेवारी र सामान्य सदस्यसमेत नरहने गरि पार्टी त्याग गरेको घोषणा गरेका हुन् । पार्टी परित्याग गर्नेमा नेताहरू दीपक पौडेल, प्रकाश आचार्य, अशोक खड्का लगायत छन् । उनीहरूले वैकल्पिक राजनीतिलाई विवेकशील साझा पार्टीको वर्तमान नेतृत्वले मृत्युशैय्यामा पु¥याएको आरोप पनि लगाएका छन् ।

दुई फरक पार्टीलाई एक ठाउँमा ल्याएर तोकिएको समयमा एकता महाधिवेशन गर्न लाग्नुको साटो अध्यक्ष मिश्रले एकताको मर्मविपरीत एकल दस्तावेज सार्वजनिक गरेको वक्तव्यमा उल्लेख छ ।

यी हुन पार्टी परित्याग गर्ने नेताहरु:

१.दीपक पौडेल

२.प्रकाश आचार्य

३. अशोक खड्का

४.सुदिप ओझा

५.पदम न्यौपाने

६.सागर घिमिरे

७.मनिषा मगर

८. सलमान अलि

९.महेन्द्र आचार्य

१०.भिमनारायण कोईरला

११.विश्वराज अछामे

१२.बिप्लटा ढुङ्गना