रोल्पा – जबरजस्ती करणी गरेको आरोपमा प्रहरीले रोल्पाका ६१ वर्षीय १ पुरुषलाई पक्राउ गरेको छ ।

प्रहरीका अनुसार ४० वर्षीया महिलालाई जबरजस्ती करणी गरेको अभियोगमा सुनछहरी गाउँपालिका–६ गामखोले बस्ने ६१ वर्षीय कविराम पुन मगरलाई पक्राउ गरिएको छ ।

मगरले ती महिलालाई शुक्रबार राति जबरजस्ती करणी गरेको भन्ने उजुरीको आधारमा प्रहरी चौकी जेलवाङ र ईलाका प्रहरी कार्यालय सुलिचौरबाट खटिएको प्रहरीले उनलाई पक्राउ गरेको छ ।

घटना सम्बन्धमा आवश्यक अनुसन्धान गरिरहेको प्रहरीले जनाएको छ ।