काठमाण्डु – प्रहरीले काठमाण्डुका विभिन्न स्थानमा जुवातास खेलिरहेको अवस्थामा २३ जनालाई पक्राउ गरेको छ ।

कीर्तिपुर नगरपलिका–६ बस्ने ३८ वर्षीय मनिकराम महर्जनको टहरामा जुवातास खेलिरहेको अवस्थामा महर्जनसहित १५ जनालाई शनिबार दिउँसो प्रहरीले पक्राउ गरेको छ ।

प्रहरी वृत्त कीर्तिपुरबाट खटिएको प्रहरीले उनीहरूलाई नगद ३८ हजार ५९९ रूपैयाँ र ३ बुक ताससहित पक्राउ गरेको छ ।

यसैगरी काठमाण्डुको कीर्तिपुर नगरपालिका–१ अमृतनगर बस्ने ५१ वर्षीय भक्तबहादुर राईको टहरामा जुवातास खेलिरहेको अवस्थामा राईसहित ८ जनालाई शनिबार दिउँसो प्रहरीले पक्राउ गरेको छ ।

प्रहरी वृत्त कीर्तिपुरबाट खटिएको प्रहरी टोलीले उनीहरूलाई नगद ४५ हजार रूपैयाँ र ९ बुक ताससहित पक्राउ गरेको छ ।

जुवातास सम्बन्धमा आवश्यक अनुसन्धान गरिरहेको प्रहरीले जनाएको छ ।