काठमाण्डु – स्थानीय बजारमा आज सुनको मूल्य तोलामा पाँच सय रुपैयाँले घटेको छ । नेपाल सुनचाँदी व्यवसायी महासंघले बिहीबार प्रतितोला एक लाख ५१ हजार नौ सयमा कारोबार भएको छापावाला सुन आजका लागि एक लाख ५१ हजार चार सय निर्धारण भएको जानकारी दिएको छ ।

चाँदीको मूल्य तोलामा १५ रुपैयाँले घटेको छ । बिहीबार प्रतितोला एक हजार आठ सय ३०मा कारोबार भएको चाँदीको मूल्य आजका लागि एक हजार आठ सय १५ निर्धारण भएको छ ।