काठमाण्डु- नेपाल प्रहरीले सम्पर्कविहीन प्रहरी कर्मचारीलाई एक साताभित्र सम्पर्कमा आउन आग्रह गरेको छ ।

प्रहरी प्रधान कार्यालयले एक प्रहरी सहायक हबलदारसहित नेपाल प्रहरीका १० जना प्रहरी कर्मचारीलाई एक साताभित्र सम्पर्कमा आउन आग्रह गरेको हो ।

कार्यालयले सूचना जारी गर्दै १० जना प्रहरी लामो समयदेखि गैरहाजिर रहेको भन्दै उनीहरूलाई सम्पर्कमा आउन सात दिनको समय दिएको हो ।

गैर हाजिर हुनेमा सहायक अबलदार, प्रहरी जवान र कार्यालय सहयोगी छन् ।