काठमाण्डु– दक्षिण सुडानमा तैनाथ नेपाली शान्ति सैनिकहरूको अदलीबदली भएको छ ।
संयुक्त राष्ट्र सङ्घको आव्हानमा शान्ति स्थापना कार्यको लागि दक्षिण सुडानमा कार्यरत युनाइटेड नेसन्स मिसन इन साउथ सुडानमा फोर्स रिजर्भ बटालियनको रूपमा कार्यरत अरिदमन गण (शान्ति सेना) दशौँ डफ्फालाई बदली गर्नको लागि चण्डीप्रसाद गण (शान्ति सेना) ११औँ डफ्फाका २११ जना नेपाली शान्ति सैनिकहरूको अन्तिम टोली, सेनानी मिलन आचार्यको नेतृत्वमा मिसन इलाकातर्फ प्रस्थान गरेका छन् ।
यसअघि सोही मिसनमा आफ्नो कार्यकाल सम्पन्न गरी दशौँ डफ्फामा कार्यरत २१३ जना शान्ति सैनिकहरू प्रमुख सेनानी महेश्वर सिलवालको नेतृत्वमा फागुन १० गते नै स्वदेश फिर्ता भएका थिए ।
हाल उक्त मिसनमा नेपाली सेनाबाट सेक्टर कमाण्डर, सैनिक पर्यवेक्षक, स्टाफ अधिकृत र दुई वटा गण तथा एउटा गुल्म गरी कुल १ हजार ७५६ जना शान्ति सैनिकहरू कार्यरत छन् ।
प्रतिक्रिया