काठमाण्डु- राष्ट्रिय स्वतन्त्र पार्टी (रास्वपा) संसदीय दलमा भिजिट भिसा प्रकरणका विषयमा छलफल गरिने भएको छ । शनिबार बिहान ९ बजे दलको बैठक आह्वान गरिएको छ ।

त्यसबारे संसदीय दलको विशेष छलफल रहेको रास्वपाका प्रवक्ता मनिष झाले जानकारी दिए । ‘शनिबार भिजिट भिसाकाण्डसँग सम्बन्धित पछिल्ला विकसित घटनाहरूका विषयमा राष्ट्रिय स्वतन्त्र पार्टीको संसदीय दलको विशेष छलफल गरिनेछ’, उनले भने ।

भिजिट भिसा प्रकरणमा उच्चस्तरीय छानबिन आयोगरसमिति र गृहमन्त्री रमेश लेखकको राजीनामा माग गर्दै रास्वपाले संसद् बैठकमा विरोध गरिरहेको छ ।