काठमाण्डु– रुपन्देहीमा आज दिउँसो ४ बजेदेखि राति १० बजेसम्म कर्फ्यु आदेश जारी गरिएको छ ।

जेनजीको आन्दोलनलाई मध्यनजर गर्दै जिल्ला प्रशासन कार्यालयले बुटवल–भैरहवा क्षेत्रमा शान्ति सुरक्षा कायम राख्न कर्फ्यु आदेश जारी गरेको हो ।

सूचनाअनुसार, कर्फ्युको समयमा तोकिएको क्षेत्रभित्र कुनै पनि व्यक्तिलाई आवतजावत गर्न, भेला, जुलुस, प्रदर्शन वा घेराउ गर्न पूर्ण रूपमा निषेध गरिएको छ। यो आदेश तत्काल लागू हुनेगरी जारी गरिएको हो।

नागरिकहरूलाई तोकिएको समयभित्र घर बाहिर ननिस्कन र प्रशासनको आदेशको पालना गर्न आग्रह गरिएको छ। कर्फ्युको पालना नगर्ने व्यक्तिलाई कानुन अनुसार कारबाही हुने पनि प्रशासनले जनाएको छ।

यी क्षेत्रमा कर्फ्यु लागू

बुटवल क्षेत्र

पूर्वमा पेट्रोल पम्प धागो कारखाना पुलसम्म

पश्चिममा बेलवास चोकसम्म

उत्तरमा चिडिया खोलासम्म

दक्षिणमा मंगलापुर सम्म

भैरहवा क्षेत्र

पूर्वमा रोहिणी खोला पुलसम्म

पश्चिममा बेथरी पुलसम्म उत्तरमा बुद्धचोक सम्म दक्षिणमा मेउडीहवासम्म

बुटवल बेलहिया सडक खण्डको दायाँबायाँ १०० मिटरसम्म