काठमाण्डु – नेपाली बजारमा शुक्रबार पनि सुनको मूल्य बढेको छ । बिहीबार ६०० रुपैयाँले बढेको सुन शुक्रबार पनि सोही मूल्यले वृद्धि भएको हो।

नेपाल सुन चाँदी व्यवसायी महासंघका अनुसार शुक्रबार ६०० रुपैयाँले बढेर एक तोलाको २ लाख ३८ हजार ४०० कायम भएको छ। बिहीबार प्रतितोला सुनको मूल्य २ लाख ३७ हजार ८०० पुगेको थियो।

सुनको मूल्यसँगै चाँदीको पनि भाउ बढेको छ। महासंघका अनुसार १० रुपैयाँले बढेर एक तोलाको ३ हजार २० रुपैयाँ पुगेको हो।