काठमाण्डु-आईसीसी टी–२० विश्वकप क्रिकेट अन्तर्गत शनिबारदेखि सुपर–८का खेल सुरू हुँदैछन् । चार समूहका शीर्ष दुई दुई टोलीले यसअघि नै सुपर–८मा स्थान बनाएका छन् ।

सुपर–८को पहिलो खेल पाकिस्तान र न्युजिल्याण्डबीच हुँदैछ । यो खेल श्रीलंकाको कोलम्बोमा नेपाली समय अनुसार बेलुका सवा ७ बजे शुरू हुनेछ ।

आयोजक भारत र श्रीलंकासहित जिम्बावे, वेस्ट इन्डिज, दक्षिण अफ्रिका, पाकिस्तान, इंग्ल्यान्ड र न्युजिल्यान्ड सुपर–८मा पुगेका हुन् ।

साविक विजेता भारत र उपविजेता दक्षिण अफ्रिकाबीचको खेल आइतबार भारतको अहमदाबादमा हुनेछ । विश्वकपको फाइनल खेल मार्च ८ अर्थात् फागुन २४ गते हुनेछ ।