काठमाण्डु- पाल्पामा भएको टिपर दुर्घटनामा चालकसहित चार जनाको मृत्यु भएको छ ।

पाल्पा माथागढी गाउँपालिका ७ रहबासमा भएको दुर्घटनामा टिपरका चालक अर्घाखाँचीको सितगंगा नगरपालिका–४ का २६ वर्षीय चिन्ताबहादुर सुनार, त्यही ठाउँका २६ वर्षीय सुनिल विक र रुपन्देही देबदह नगरपालिका–२ खैरेनीका सुनिल नेपाली र तानसेन नगरपालिका–१० पटुवाका राजन चिदीको मृत्यु भएको जिल्ला प्रहरी कार्यालय, पाल्पाले जनाएको छ ।

शनिबार बेलुका झडेवाबाट रहबासको चुनढुङ्गाखानीका लागि छुटेको लु २ ख ४५२५ नम्बरको खाली टिपर दुर्घटना भएको प्रहरीले जनाएको छ ।