काठमाण्डु – सार्वजनिक नीति तथा प्रत्यायोजित विधायन समितिको सभापतिमा पूजा चौधरी निर्वाचित भएकी छन् ।

मंगलबार बसेको समितिको बैठकले चौधरीलाई सभापतिमा चयन गरेको हो ।

बैठकमा बोल्दै सभापति चौधरीले देश र जनताको हितमा नीति नियम कानुनहरु तर्जुमा गर्दा संविधानको मातहतमारही आवश्यक अध्ययन अनुसन्धान गरी गर्ने धारणा राखिन् ।

सबै समिति सदस्यहरूसँगको सहकार्य र समन्वयमा समितिलाई अघि बढाउने उनले प्रतिबद्धता व्यक्त गरिन् ।

उनले भनिन्, ‘हुन त यस राजनीतिक यात्रामा मभन्दा अग्रज धेरै नै हुनुहुन्छ । हजुरहरूको प्रतिक्रिया देश र जनताको हितमा नीति, नियम कानुनहरू तर्जुमा गर्दा संविधानको मातहतमा रही आवश्यक अध्ययन अनुसन्धान गरी ममाथि देखाइएको विश्वास शिरमा राखी तपाईंहरूको साथ सहयोगको अपेक्षासहित यस समितिलाई अघि बढाउन सबैसँग समन्वय सहकार्य गरेर अगाडि बढ्नेछु भन्ने प्रतिबद्धता व्यक्त गर्न चाहन्छु ।’