काठमाण्डु- नेकपा एमालेको केन्द्रीय सचिवालय बैठक शनिबार बस्ने निर्णय भएकोमा अब आगामी सोमबारको लागि तय भएको छ ।

अध्यक्ष केपी शर्मा ओली निवास गुन्डुमा सचिवालय बैठक सोमबार बस्ने निर्णय भएको एमाले केन्द्रीय कार्यालयका सचिव डा भीष्म अधिकारीले जानकारी दिए । उनले आइतबार मदन आश्रित दिवस परेकोले त्यसको तयारीमा जुट्नुपर्ने भएकोले बैठक स्थगित गरिएको जानकारी दिए ।

बैठकमा पार्टीभित्रको कार्यविभाजनका साथै फागुन २१ को निर्वाचनको समीक्षा समेत हुने बताइएको छ । एमालेले निर्वाचनमा लज्जास्पद नतिजा ल्याएको भन्दै नेतृत्वले त्यसको जिम्मेवारी लिनुपर्ने आवाज उठाउँदै आएको छ ।