काठमाडौं– काठमाण्डुबाट विराटनगरका लागि उडेको बुद्ध एयरको जहाज प्राविधिक समस्या आएपछि बीचबाटै पुनः काठमाण्डु फर्किएको छ ।

बिहीबार अपराह्न बरिब १ बजेतिर विराटनगरका लागि उडेको बुद्धको उडान नम्बर ७०७ मा प्राविधिक समस्या आएको हो ।

जहाजमा समस्या देखिएपछि त्रिभुवन अन्तर्राष्ट्रिय विमानस्थलमा सशुकल आकस्मिक अवतरण गराइएको बुद्ध एयरले जनाएको छ ।

बुद्ध एयरका सूचना अधिकारी दिपेन्द्र कर्णका अनुसार जहाजमा समस्या आएपछि चालक दलका सदस्यले यात्रुहरुलाई पूर्वजानकारी दिएर काठमाण्डु विमानस्थलमा सकुशल अवतरण गराएका थिए ।

जहाजको प्राविधिक पक्षको अध्ययन भइरहेको कर्णले बताए ।