काठमाण्डु– काँकडभिट्टाबाट गत आर्थिक वर्षमा २४ अर्ब ५० करोड ६७ लाख ४४ हजार बराबरको पेट्रोलियम पदार्थ आयात भएको छ ।

उक्त अवधिमा पेट्रोल, डिजेल र ‘लिक्विफाइड पेट्रोलियम ग्यास’ (एलपिजी) गरी तीन प्रकारका पेट्रोलियम पदार्थ आयात भएको हो ।

काँकडभिट्टा भन्सार कार्यालयका अनुसार १२ अर्ब १८ करोड ७ लाख ६४ हजार बराबरको पेट्रोल आयात भएको छ भने डिजेल ९ अर्ब ५५ करोड ४९ लाख ७ हजार र एलपिजी २ अर्ब ७७ करोड १० लाख ७३ हजार बराबरको आयात भएको छ ।

आर्थिक वर्ष २०८१/८२ मा पेट्रोल ८ अर्ब ९२ करोड ८५ लाख २६ हजार र डिजेल ७ अर्ब ३ करोड ३२ लाख १९ हजार बराबरको आयात भएको थियो ।

उक्त कार्यालयका प्रमुख शिवलाल न्यौपानेका अनुसार पेट्रोलियम पदार्थ आयात गरी गत आवमा पेट्रोलबाट ५ अर्ब ८५ करोड ३७ लाख ५० हजार र डिजेलबाट २ अर्ब ९३ करोड २२ लाख ३९ हजार राजस्व सङ्कलन भएको छ ।