काठमाण्डु – सुदूरपश्चिम प्रदेश सरकारका नवनियुक्त मुख्यमन्त्री खगराज भट्टले भोलि बुधबार विश्वासको मत लिने तयारी गरेका छन् ।

साउन २९ गते मुख्यमन्त्री नियुक्त भएका भट्टले भोलि विश्वासको मत लिने भएका हुन् । मंगलबार बसेको नेकपा संसदीय दलको बैठकमा मुख्यमन्त्री भट्टले विश्वासको मत लिनेबारे जानकारी दिएका छन् ।

मुख्यमन्त्री भट्टले प्रदेशसभा सचिवालयलाई पत्राचार गरेर विश्वासको मत प्रयोजनका लागि बैठक बोलाइदिन आग्रह गरेका छन् ।

प्रदेशसभा सचिवालयले बुधबार दिउँसो १ बजे बस्ने गरी प्रदेश सभाको बैठक बोलाएको छ ।