काठमाडौं – राप्रपा (संयुक्त) ले निर्वाचन आयोगबाट दलको मान्यता प्राप्त गरेको छ । संविधानसम्मत र कानुनी रुपमा नै आफ्नो दललाई मान्यता दिएको भन्दै अध्यक्ष पशुपतिशमशेर जबराले खुशी व्यक्त गरे ।

आयोगले आफ्नो दललाई चुनाव चिन्ह हलो प्रदान गरेको उनको भनाई छ । उनले भने,‘यो असाध्यै पूरानो राप्रपाको पहिचान भयो । यो चिन्ह र झण्डासमेत प्राप्त गरेपछि राप्रपा मूलधार यही पार्टी भयो ।’

पार्टीको वैचारिक सिद्धान्त भने राष्ट्रियता, प्रजातन्त्र र सम्वद्र्धनवादी उदारवाद र प्रगतिशिल आधुनिकीकरण रहेको अध्यक्ष राणाले जानकारी दिए । त्यसको साथै, सबै धर्मबीच समानता र पूर्ण धार्मिक स्वतन्त्रलाई कायम राख्दै नेपाललाई सनातन धर्म सापेक्ष हिन्दूराष्ट्र कायम गर्ने पनि आफूहरुको नीति रहेको उनले सुनाए ।

मुलुकमा कायम रहेको क्रियाशिल राजनीतिक शक्तिहरुबीचको बृहत्त सहमतिमा साझा संस्थाको रुपमा दलविशेषभन्दा माथि रहने त्यो पूरानो संस्थालाई राष्ट्र प्रमुखको रुपमा किन स्थापित नगर्ने रु भनि सबै पक्षमा बहसको पैरवी गर्ने पनि उनले सुनाए । त्यस्तै, उदार अर्थतन्त्र र असंलग्न परराष्ट्र नीतिपनि आफूहरुले अवलम्बन गर्ने उनले स्पष्ट पारे ।