काठमाडौं– नेपाल कम्युनिष्ट पार्टी (नेकपा) का स्थायी समिति सदस्य जनार्दन शर्माले चिनियां राष्ट्रपति सी जिनपिङले ल्याएको बिआरआई एक असल छिमेकीले देखाएको पारस्परिक लाभको रूपमा स्वीकार्य गर्नुपर्ने बताएका छन् ।

नेकपाले शनिबार काठमाडौंमा गरेको अन्र्तक्रियामा बोल्दै शर्माले बीआरआई भौतिक संमृद्धिको अभियान मात्र नभई यो समाजवादी विचार अभियान भएको समेत बताए ।
पुर्व गृहमन्त्री समेत रहेका नेता शर्माले बेल्ट एण्ड रोडलाई नेपालको हितमा उपयोग गर्नुपर्ने भन्दै तर स्वतन्त्र निर्णय लिन सक्ने क्षमता हुनुपर्नेमा जोड दिए । उनले नेपालीहरूमा स्वतन्त्र निर्णय गर्न सक्ने क्षमता छ कि छैन भनेर प्रश्न समेत गरेका छन्।

उनले यसलाई अघि बढाउने विषयमा हाम्रो आत्मविश्वासमा भर पर्ने धारणा व्यक्त गरे ।

‘आफ्नै स्वतन्त्र निर्णय गर्ने क्षमता राख्न सक्ने हो भने हाम्रा हितमा हुने कुरालाई आत्मसाथ गरेर अघि बढ्ने हिम्मत हुनुपर्छ, बिआरआईलाईसही प्रयोग गरेर नेपालको समृद्धि र विकासमा अघि बढ्न सक्छौं। ’ शर्माले भने ।