एसिड पीडितका लागि कानून ल्याउने प्रधानमन्त्रीको निर्णयप्रति अमिताभ बच्चनले दिए ‘बधाई’
एजेन्सी – बलिउड अभिनेता अमिताभ बच्चनले एसिड पीडितको पक्षमा कानून बनाउने निर्णय गरेको नेपाल सरकारलाई धन्यवाद दिएका छन् ।
सोमबार ट्वीटरमार्फत अभिनेता बच्चनले नयाँ कानून ल्याउने सरकारको निर्णयको स्वागत गर्दै यस अभियानलाई सफल बनाउने अभियन्ता उज्वल थापालाई धन्यवाद दिएका छन् ।
‘एसिड पीडितको मुद्दामा तपाईको कडा परिश्रमको फल प्राप्त भयो । धेरै बधाई छ । राम्रो काम जारी राख्नुहोस्’, उनले भनेका छन् ।
उनले उक्त कार्य नेपाललाई मात्र नभई भारतका लागि पनि उत्तिकै प्रेरणादायी हुने बताएका छन् ।
केही दिन अगाडि प्रधानमन्त्री केपी शर्मा ओलीले एसिड पीडितको पक्षमा कडा कानून ल्याउन निर्देशन दिएका थिए । उनले १५ दिनभित्र कानूनको मस्यौदा तयार पार्न निर्देशन दिएका हुन् ।
T 3659 – – Ujjwal Thapa !! well done ex – Sherwoodian .. your hard work on the issue of acid victims, has paid off .. you have not just made Sherwood College proud, but also your country Nepal ..
Many congratulations .. keep up the good work ..❤️???— Amitabh Bachchan (@SrBachchan) September 14, 2020
