सशस्त्रमा ३ एसएसपीहरुको सरुवा ८ को पदस्थापन

काठमाडौं–सशस्त्र प्रहरी बलमा प्रहरी वरिष्ठ उपरीक्षकहरुको सरुवा तथा पदस्थापन भएको छ । गृहमन्त्रालयले मन्त्रिस्तरको निर्णय गर्दै ३ जना एसएसपीहरुको सरुवा गर्नुको साथै अन्य ८ जनाको पदस्थापन गरेको हो ।

सरुवा हुनेमा एसएसपीहरु भरत कुमार श्रेष्ठ, वेचन यादव र अभि कुमार खत्री रहेका छन् । उनिहरुमध्ये श्रेष्ठलाई मानवश्रोत विभाग, यादवलाई ३ बाहिनी र खत्रीलाई नम्बर ४ बाहिनी कास्कीमा सरुवा गरिएको छ ।

खत्रीलाई आईजिपी शैलेन्द्र खनालले एक वर्ष अवघी नपुग्दै सरुवा गरेका छन् । आफ्नो वेसिकमा एक नम्बरमा रहेका खत्री व्यवसायीक अधिकृत मानिन्छन् । उनलाई विना कारण अवधी नपुग्दै सरुवा गरेको बताईन्छ । सशस्त्रमा वरियतामा अघि रहेका एसएसपीलाई तालिम केन्द्रको कमाण्डेण्ट बनाउनुपर्ने परम्परा भएपनि एसएसपी खत्रिलाई यसअघि उक्त जिम्मेवारीबाट समेत वंचित गरिएको थियो ।

त्यस्तै भगवान मल्ल नम्बर ५ बाहिनी, भिमबहादुर थापा कैलालीस्थित नम्बर ७ बाहिनी, कालिदाश धौवजी नम्बर ९ बाहिनी,प्रेमराज पोखरेलको कमाण्ड तथा स्टाफ कलेजमा पदस्थापन भएको छ ।

एसएसपीहरु दमन थापा सुरक्षा परिषदको सचिवालय,कुमार न्यौपाने मानवस्रोत विभाग, फणिन्द्रराज पौडेल कार्य तथा सुरक्षा विभाग र ईन्द्रराज कार्कीको सुनसरी नम्बर १ बाहिनीमा पदस्थापन भएको छ ।