काठमाण्डु – नेपालका लागि अर्मेनियाको अवैतनिक वाणिज्य दूतावास कार्यालयको बिहीबार काठमाण्डुमा उद्घाटन गरिएको छ ।

उद्घाटन कार्यक्रममा नेपालका लागि अर्मेनियाका गैरआवासीय राजदूत वाहाग्न अफ्यानले नेपाल तथा अर्मेनियाबिचको मजबुत सम्बन्धले २ राष्ट्र र जनतालाई फाइदा पुग्ने तथा यसले त्यो अगाडि बढ्न बाटो खुलेको चर्चा गरे ।

नेपालका लागि अर्मेनियाका अवैतनिक राजदूत ई. किरन मल्लले अर्मेनिया र नेपालबिच पर्यटन तथा जलविद्युत्का क्षेत्रका अतिरिक्त विभिन्न क्षेत्रमा सहकार्यको प्रशस्त सम्भावना रहेको बताए । कार्यक्रममा विभिन्न देशका नेपालका लागि अवैतनिक वाणिज्यदूत र नेपालस्थित कूटनीतिक नियोगका प्रतिनिधिको उपस्थिति थियो ।