सेनामा उपरथीहरुको सरुवा : गूप्तचर प्रमुखमा थापा,अधिकारी बने युद्धकार्य महानिर्देशक
काठमाण्डु- नेपाली सेनाका उपरथीहरुको सरुवा हुने भएको छ । सैनिक मुख्यालयले पठाएको सरुवाको सूची रक्षामन्त्रालय हुंदै मन्त्रिपरिषदमा पुगिसकेको छ ।
सरुवा हुनेहरुमा सेनाको पश्चिम पृतनाका पृतनापति रहेका उपरथी दीपक बानियांको कार्यरथीको कार्यालय, विजय थापा सैनिक ईन्टेलिजेन्स महानिर्देशनालय, प्रेमध्वज अधिकारी युद्धकार्य महानिर्देशक, सुदर्शन सिलवाल मध्यपूर्वी पृतना वर्दिवास र गणेश श्रेष्ठ सुदुरपश्चिम पृतना धनगढी रहेका छन् ।
उपरथीमा बढुवासहित सन्तोषवल्लभ पौडेलको पश्चिम पृतना पोखरामा पदस्थापनको लागि सैनिक मुख्यालयले पत्र पठाएको छ । पौडेलको उमेर विवाद भने कायमै छ ।
