ब्रेकिंग न्युज सुरक्षा

सेनापति थापाको योजनाः प्रतिरक्षा विश्वविद्यालयदेखि हतियार बनाउने कारखानासम्म

काठमाडौं प्रधानमन्त्री केपी शर्मा ओली नेतृत्वको सरकारले ‘समृद्ध नेपाल, सुखी नेपाली’ नारालाई पूरा गर्न काम गरिरहेको छ । देशमा समृद्धि ल्याउन राज्यका विभिन्न निकायमा समृद्धि आउनुपर्छ ।

नेपाली सेना राज्यको एक महत्त्वपूर्ण संगठन हो । यहीँ भाव व्यक्ति गर्दै सैनिक अधिकृतहरूको दीक्षान्त समारोहलाई बिहीबार खरिपाटीमा सम्बोधन गर्दै प्रधानमन्त्री ओलीले भने, ‘प्रधानमन्त्री ओलीले राजा पृथ्वीनारायण शाहको नेतृत्वमा थालिएको र अनेकौं नायकहरूको नेतृत्वमा अघि बढाएको राष्ट्रिय एकीकरण अभियानबाट नेपाली सेनाले खण्डित भूगोललाई एकीकृत गरी नेपाल निर्माण गरेको हो ।’

‘नेपाली सेना सदैव संवैधानिक सरकारको मातहत र निर्देशनमा आफूलाई व्यावसायिक र मर्यादित संगठनको रुपमा स्थापित गर्दै आएको छ,’ प्रधानमन्त्री ओलीले भने, ‘आफ्नो विशिष्ट सांगठनिक क्षमताका आधारमा देशभित्र विपद् व्यवस्थापन, राष्ट्र निर्माणका कार्यहरू, नागरिक सैनिक सम्बन्ध विस्तार र राष्ट्रिय संकटमा नेपाली जनताप्रति बफादार रही नेपाली सेनाले काम गर्दै आएको छ ।’

कार्यक्रममा बोल्दै प्रधानमन्त्री ओलीले लामो अस्थिरतापछि देश अहिले स्थायित्वको जगमा सुदृढ सुव्यवस्था र तीब्र विकासको बाटोबाट अघि बढेको बताए । ‘समृद्ध नेपाल, सुखी नेपालीको राष्ट्रिय आकांक्षालाई साकार पारी राष्ट्र विकास गर्ने हाम्रो संकल्प रहेको छ,’ प्रधानमन्त्री ओलीले भने, ‘विकासका लागि सुरक्षा र सुरक्षा सुदृढीकरणका लागि विकास अपरिहार्य छ ।’

प्रधानमन्त्री ओलीले व्यक्त गरेको भावना सेनाको महत्त्व झल्किएको थियो । साथै सेनाप्रति सरकारी बुझाइ र सम्मान समेत प्रकट भएको थियो । यसबाट सरकारी प्राथमिकतामा सेना रहेको सहजै बुझिन्छ । सरकारले सैनिक संगठनमा दीर्घकालीन महत्त्व राख्ने कामलाई समेत अगाडि बढाएको छ ।

सेनाले प्राज्ञिक क्षमता अभिवृद्धिका लागि राष्ट्रिय प्रतिरक्षा विश्वविद्यालय (नेसनल डिफेन्स यूनिभर्सिटी – एनडीयू) स्थापनाका लागि प्रक्रिया अगाडि बढाइसकेको छ । विश्वविद्यालयको खाका तयार भएर छलफलका क्रममा रहेको छ । साथै सेनाले स्वदेशमै हतियार उत्पादन गर्ने कारखाना स्थापना गर्ने गरी नीति निर्माण भइरहेको छ ।

सेनालाई भौतिक स्रोतसाधनमा आत्मनिर्भर बनाउन हतियार, गोलीगठ्ठा, विस्फोटक पदार्थ, उपकरण र लत्ताकपडा स्वदेशमै उत्पादन गर्ने कारखाना स्थापना गर्ने गरी ‘राष्ट्रिय सुरक्षा नीति २०७५’ बनाउन लागिएको छ । नीतिको प्रस्ताविक खाकामा सेनाले हतियार उत्पादन गर्ने उल्लेख छ । विदेशमा निर्भर रहेर हातहतियार खरिद गर्नुपरिरहेको बेला स्वदेशमै उत्पादन गर्ने नीतिले सेनामा दीर्घकालीन महत्त्व राख्ने छ ।
अर्काेतिर हतियार खरिदका लागि बाहिरिरहेको मुद्रा नेपालमै रहने र राष्ट्रिय व्यापार घाटा कम हुनेछ । हाल विदेशबाट हतियार किन्न नेपालले ठूलो बजेट विदेश पठाउनुपर्ने अवस्था छ । विश्वविद्यालयमा प्राज्ञिक क्षमता वृद्धिदेखि भौतिक हातहतियार उत्पादनसम्म सेनालाई सक्रिय बनाउँदै सांगठनिक क्षमता वृद्धि हुने निश्चित छ ।

सुरक्षा नीतिमा सुरक्षा निकायलाई सक्रिय राख्न र चेन अफ कमान्डमा हिँडाउने सम्बन्धमा व्यवस्था गरिएको छ । सुरक्षा निकायलाई विकास निर्माणका काममा व्यस्त बनाउनुपर्ने सुझाव दिइएको छ । सेनालाई काठमाडौं–निजगढ द्रूतमार्ग निर्माण लगायत कामको जिम्मा दिँदा सेनालाई विकास निर्माणमा सहभागी गराउने कि नगराउने भनेर बहस हुने गरेको छ । तर अब सरकारी नीतिमै सेनालाई विकासमा लगाउने व्यवस्था हुन लागेको छ ।

सार्वजनिक पद धारण गरेका प्रशासनिक र राजनीतिक व्यक्तिले विदेशी पदाधिकारी वा व्यक्तिसँग भेटघाट गर्दा सुरक्षा परिषद्ले नियमन गर्ने व्यवस्था नीतिमा छ । नेपाली सेनाको भूमिका अन्तर्राष्ट्रिय निकायमा समेत रहेकाले संगठनलाई थप सशक्त बनाउने व्यवस्था नीतिमा गरिएको छ । उपप्रधान एवं रक्षामन्त्री ईश्वर पोखरेल नेतृत्वको ‘राष्ट्रिय सुरक्षा नीति २०७३ उच्चस्तरीय परिमार्जन समिति’ले नीतिको प्रस्ताव तयार पारेको छ ।

ओली सरकार बनेपछि सेनासँग सम्बन्धित एकपछि अर्काे दीर्घकालीन नीति बनिरहेका छन् । यसमा प्रधानसेनापति पूर्णचन्द्र थापाको योजना र क्षमता समेत प्रदर्शन भइरहेको छ । सेनाको सुझाव र सल्लाहका आधारमा सरकारले सेना सम्बन्धी नीति बनाउने गरेको छ । सेनाका सम्बन्धमा भइरहेका पछिल्ला दीर्घकालीन नीतिगत व्यवस्थाले सेनामा समृद्धि ल्याउने बाटो समातेको छ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top