जुवातास खेलिरहेको अवस्थामा ५ जना पक्राउ
भक्तपुर – जिल्लाको सूर्यविनायक नगरपालिका–८ दाजिलिङ हाईट बस्ने मादपलाल श्रेष्ठको टहरामा जुवातास खेलिरहेको अवस्थामा सिन्धुपालचोकको ईन्द्रावती गाउँपालिका–१० बस्ने ४२ वर्षीय नवराज दंगाल समेत ५ जनालाई प्रहरीले पक्राउ गरेको छ ।
विशेष सूचनाको आधारमा प्रहरी वृत्त जगातीबाट खटिएको प्रहरीले उनीहरूलाई नगद ४५ हजार रूपैयाँ ३ बुक ताससहित पक्राउ गरेको हो ।
पक्राउ सम्बन्धमा आवश्यक अनुसन्धान गरिरहेको प्रहरीले जनाएको छ ।