उपल्लो मुस्ताङ पुगेका ६ भारतीय पक्राउ
काठमाण्डु- मुस्ताङबाट ६ जना भारतीय नागरिकलाई प्रहरीले पक्राउ गरेको छ । बुधबार अनुमति नलिई उपल्लो मुस्ताङ पुगेका ६ जना भारतीय नागरिकलाई प्रहरीले पक्राउ गरेको हो ।
उनीहरूलाई नेचुङ स्थित वीओपीमा प्रहरीले नियन्त्रणमा लिएको जनाइएको छ । जसअनुसार उनीहरूलाई अनुमति लिन पोखरा पठाइएको छ । लोमान्थाङ गाउँभन्दा माथि नेपाली नागरिक बाहेक अन्य देशका नागरिक जान पाउँदैनन् ।
नेपाल सरकारले उपल्लो मुस्ताङलाई सुरक्षा संवेदनशीलताका कारण नियन्त्रित तथा निषेधित क्षेत्र घोषणा गरेको छ। त्यसैले उपल्लो मुस्ताङ जाने विदेशी पर्यटकले अध्यागमन विभागबाट शुल्क तिरेर प्रवेश अनुमति लिने व्यवस्था छ।