राइस मिलमा जुवातास खेल्दाखेल्दै ८ जना पक्राउ
कञ्चनपुर – जिल्लाको भीमदत्त नगरपालिका–६ ऐठपुरस्थित चन्द्रदेव राइस मिलमा जुवातास खेल्दै गरेका ८ जना पक्राउ परेका छन् ।
जिल्ला प्रहरी कार्यालय कञ्चनपुरबाट खटिएको प्रहरीले मिलका सञ्चालक पारस भट्टसहित ८ जनालाई पक्राउ गरेको छ ।
आरोपीहरूबाट प्रहरीले २ लाख ८ हजार ४२६ रुपैयाँ र तास बरामद भएको छ ।
जुवातास सम्बन्धमा आवश्यक अनुसन्धान गरिरहेको प्रहरीले जनाएको छ ।
