बिल नभएको चाँदीसहित १ जना पक्राउ
उदयपुर – जिल्लाको त्रियुगा नगरपालिका–६ जलजले ढाटबाट बिल नभएको चाँदी २ किलो २९८ ग्राम ५६० मिलिग्रामसहित १ जना पक्राउ परेका छन् ।
सप्तरीको शम्भुनाथ नगरपालिका–९ बस्ने २२ वर्षीय सन्तोष विकलाई सोमबार दिउँसो प्रहरीले पक्राउ गरेको छ ।
ईलाका प्रहरी कार्यालय जलजलेबाट खटिएको प्रहरी टोलीले विकलाई कम्मरमा भिरेको झोलामा लुकाई ल्याएको चाँदीसहित पक्राउ गरेको छ ।
बरामद चाँदी सम्बन्धमा आवश्यक अनुसन्धान गरिरहेको प्रहरीले जनाएको छ ।