काठमाण्डु- बागमती प्रदेश सरकारको आगामी आर्थिक वर्षको नीति तथा कार्यक्रम बुधबार प्रदेशसभामा प्रस्तुत हुँदैछ। दिउँसो १ बजेको बैठकमा प्रदेशप्रमुख दीपकप्रसाद देवकोटाले नीति तथा कार्यक्रम प्रस्तुत गर्ने कार्यसूची छ।

प्रदेशसभा सचिवालयका प्रवक्ता मनोजकुमार गुप्ताका अनुसार बैठकमा सांसदहरूलाई औपचारिक पोशाकमा उपस्थित हुन अनुरोध गरिएको छ।

मुख्यमन्त्री बहादुरसिंह लामा तामाङले प्रस्तुत गर्ने नीति तथा कार्यक्रममा कृषि, पर्यटन, शिक्षा र रोजगारी प्रवर्द्धनलाई प्राथमिकता दिइएको छ ।

यसअघि आन्तरिक मामिला तथा योजनामन्त्री कुन्दनराज काफ्लेले प्रस्तुत गरेको आर्थिक वर्ष २०८२–८३ को नीति तथा कार्यक्रमका सिद्धान्त र प्राथमिकता छलफलपछि पारित भएको थियो।