काठमाण्डु– कोशी प्रदेश सभाको बैठक बस्दै नबसी दुई पटक सरेको छ।

आज दिउँसो एक बजे बस्ने भनिएको कोशी प्रदेशसभाको बैठक समय परिवर्तन भएको कोशी प्रदेशसभा सचिव सुदर्शन खड्काले जानकारी दिए ।

उनका अनुसार कोशी प्रदेशसभाको नवौं अधिवेशनको १६ औं बैठक असार ११ र १६ गते तोकिएको थियो। तर लगातार तोकिएको समयमा बैठक बस्न नसकेपछि कोशी प्रदेश सरकारको अनुरोधमा समय परिवर्तन गरिएको सचिव खड्काले बताए।

प्रदेशसभा नियमावली, २०७४ को नियम ६ को उपनियम (३) बमोजिम सभामुख अम्बरबहादुर विष्टले अर्को बैठकका लागि आगामी असार १८ गते दिउँसो १ः०० बजे बस्ने समय निर्धारण गरेका छन् ।