काठमाण्डु-बंगलादेशले भारतसहित पाँच देशबाट आफ्ना कूटनीतिज्ञहरूलाई फिर्ता बोलाएको छ । बंगलादेशको अन्तरिम सरकारले उनीहरूलाई फिर्ता बोलाएको हो ।

भारतसहित अस्ट्रेलिया, बेल्जियम, पोर्चुगल र संयुक्त राष्ट्रसंघका कूटनीतिज्ञलाई बंगलादेश सरकारले फिर्ता बोलाएको हो । विद्यार्थी आन्दोलन चर्किएपछि बंगलादेशकी तत्कालीन प्रधानमन्त्री शेख हसिना गत अगस्ट ५ मा देश छाडेर भारत भागेकी थिइन् ।

त्यसपछि बंगलादेशमा नोबेल शान्ति पुरस्कार विजेता मोहम्मद युनुसको नेतृत्वमा अन्तरिम सरकार गठन गरिएको हो । यसअघि बंगलादेशले आफ्नो उच्चायुक्त सइदा मुना तस्नीमलाई बेलायतबाट फिर्ता बोलाएको थियो ।

हालै अन्तरिम सरकारका प्रमुख मोहम्मद युनुसले अमेरिकाको भ्रमण पनि गरेका थिए। जहाँ उनले नेपाल, अमेरिका, पाकिस्तानलगायत धेरै देशका राष्ट्रप्रमुखसँग भेट गरेका थिए ।