बार्सिलोनाले रियल मड्रिड र सिटीले बायर्नलाई हरायो
काठमाण्डु – प्रि-सिजनको ‘एल क्लासिक’ भिडन्तमा बार्सिलोनाले रियल मड्रिडलाई १-० अन्तरले हराएको छ । रोबर्ट लेवान्डोवस्कीलले डेब्यु गरेको खेलमा बार्सिलोनालाई जिताउन २७औं मिनेटमा राफिन्हाले गरेको गोल निर्णायक बन्यो ।
लेवान्डोवस्की बायर्न म्युनिख र राफिन्हा लिड्स युनाईटेडबाट यसै सिजन क्याम्प नोउ भित्रिएका थिए । यस्तै, प्रि(सिजन टुरमा म्यानचेस्टर सिटीले बायर्न म्युनिखलाई १-० अन्तरले पराजित गरेको छ ।
सिटीलाई जित दिलाउन १२औं मिनेटमा डेब्यु खेलाडी एर्लिङ हालाण्डले निर्णायक गोल गरे ।
