यस्तो भने कोहली आउटबारे अष्ट्रेलियाका कप्तानले
काठमाण्डु- विश्वकपको फाइनलमा प्याट कमिन्सले विराट कोहलीको विकेट लिएपछि नरेन्द्र मोदी स्टेडियमका एक लाखभन्दा बढी फ्यान मौन भए । पूरै रंगशालामा सन्नाटा छायो ।
आइतबार प्याट कमिन्स अस्ट्रेलियालाई छैटौं एकदिवसीय विश्वकप जित्ने पाँचौं कप्तान बने। समाचार एजेन्सी पीटीआईका अनुसार कमिन्सलाई जब कोहलीको विकेटपछि स्टेडियममा सन्नाटा छाएको सोधिएको थियो, के यो क्षण उनको लागि विशेष थियो? यो प्रश्नमा उनले टाउको हल्लाए ।
उनले भने, ‘मैदानमा यति धेरै सन्नाटा थियो कि हामीले खेलको बीचमा दोस्रो ब्रेकको बेला पनि यसबारे कुरा गर्यौं। हरेक खेलमा जस्तै यस खेलमा पनि उनले शतक बनाउने सबैले अनुमान गरेका थिए । तर विकेट लिएपछि एक मौनता फैलियो, यो मौनता मेरो लागि एकदम सन्तुष्ट थियो।’
आइतवारको खेलको नायक ट्राभिस हेड थिए, जसको शतकको मद्दतले अष्ट्रेलियाले भारतलाई ४२ बल बाँकी रहँदा ६ विकेटले जित्यो। कप्तान प्याट कमिन्सले खेलअघि स्टेडियममा उपस्थित भारतीय फ्यानहरूलाई ‘मौन’ गराउन चाहेको बताएका थिए।
