काठमाण्डु – भारतको विदेश मन्त्रालयका सचिव विक्रम मिस्री यसै वैशाख २८ गते काठमाण्डु आउने तय भएको छ ।

काठमाण्डु बनेको नयाँ सरकारसँग औपचारिक सम्बन्ध स्थापित गर्न विदेश सचिव मिस्री काठमाण्डु आउन लागेका हुन् ।

उनी वैशाख २८ र २९ गते (११–१२ मे) काठमाण्डुमा रहनेछन् । उनीसँगै मन्त्रालयका नेपाल मामिला हेर्ने सहसचिव मनु महावर पनि आउँदैछन् ।

दुवै देशबिच उच्चस्तरीय राजनीतिक भ्रमणको तयारीस्वरूप मिस्री नेपाल आउन लागेका बताइएको छ ।

उनको भ्रमणपछि परराष्ट्रमन्त्री शिशिर खनालको भारत भ्रमण हुनसक्ने स्रोतले जनाएको छ । मन्त्री खनाल ३० मे (जेठ १६ गते) मा भारत जानसक्ने तयारी रहेको बताइएको छ । ३१ मेमा इन्डिया–अफ्रिका समिटमा बिमस्टेकका सदस्य राष्ट्रका विदेशमन्त्रीलाई बोलाइएकोमा खनाल पनि सहभागी हुनेछन् । तर औपचारिक रूपमा १ जुनमा आयोजना हुने इन्टरनेसनल बिग क्याट एलायन्सको समिटमा सहभागी भएर मन्त्री खनालले सम्बोधन गर्नेछन् ।