समाचार सुरक्षा

विप्लवका कार्यकर्ताले प्रहरी राईलाई समातेर मारेको खुलासा

काठमाडौं – भोजपुरमा बुधबार प्रहरी र विप्लव समूहबीच भिडन्त भएको बताइए पनि उक्त घटना भिडन्त नभएको खुलासा भएको छ ।

प्रतिबन्धित नेत्रविक्रम चन्द ‘विप्लव’ नेतृत्वको नेकपा कार्यकर्ताले प्रहरी जवानलाई नियन्त्रणमा लिएर गोली हानेको रहस्य खुलेको हो ।

विप्लव कार्यकर्ताले जिल्ला प्रहरी कार्यालयमा घुमुवाका रुपमा कार्यरत सञ्जिव राईलाई नियन्त्रणमा लिएर गोली हानी हत्या गरिएको प्रत्यक्षदर्शीले बताएका छन् ।

प्रहरी प्रवक्ता प्रहरी उपरीक्षक रमेश थापाका अनुसार अनुसार सदरमुकाम नजिकै बुधबारे हटियामा विप्लव कार्यकर्ता रहेको सूचनाका आधारमा प्रहरी टोली बुधबार बिहान गस्तीमा गएको थियो ।

गस्ती टोलीभन्दा केही अगाडि रहेका राईलाई विप्लव कार्यकर्ताले समातेर कञ्चटमा गोली हाने । राईको घटनास्थलमै मृत्यु भयो ।  पछिपछि आइरहेको गस्ती टोलीले राई गोलीले ढलेको देख्नेबित्तिकै फायर खोलेको थियो । गोली विप्लव समूहका निरकुमार राईलाई लाग्यो । उनी पनि त्यहीं ढाले । निरकुमारले नै प्रहरी जवान सञ्जिवमाथि गोली हानेका थिए ।

यता प्रहरी महानिरीक्षक सर्वेन्द्र खनालले पनि विप्लवका कार्यकर्ताले प्रहरीमाथि गोली हानेको बताएका छन् ।

Comments

comments

Tags

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top