काठमाण्डु –नेपाल प्रिमिर लिग एनपीएलको उद्घाटन खेलमा विराटनगर किंग्स १२७ रनमा अलआउट भएको छ । टस हारेर पहिले ब्याटिङको निम्तो पाएको विराटनगरलाई जनकपुरले १९ ओभरमा अलआउट गरेको हो ।

विराटनगरका लागि मार्टिन गप्टीलले सर्वाधिक ५५ रन, अकिब इलियास १५ रन, लोकेश बम ५ रन, निकोलस किर्तन ९ रन, बसिर अहमद र सन्दीप लामिछाने समान ७ र राजेश पुलामी १ रनमा आउट भए।

यस्तै प्रतिश जिसी २ रनमा बोल्ड आउट भए।

जनकपुरका लागि ललित राजवंशीले ३ विकेट लिए। हर्ष ठाकेर र किशोर महतोले समान २ विकेट झारे। मोहम्मद मोहसिन र वेन माइकले समान एक विकेट आफ्नो नाममा गरे।
जनकपुरले केहीबेरमा जवाफी ब्याटिङ गर्नेछ।