बुर्किना फासोमा आक्रमण : एघार सैनिकको मृत्यु, ५० सर्वसाधारण बेपत्ता


एजेन्सी – उत्तरी बुर्किना फासोमा सोमबार भएको एक आक्रमणमा परी ११ जना सैनिकको मृत्यु भएको छ ।

जिबो शहरतर्फ जाँदै गरेको एक आपूर्ति समूहलाई साहेल क्षेत्रको साउम प्रान्तको गास्किन्देको कम्युननजिक आतङ्कवादीहरूले आक्रमण गरेका थिए ।

बुर्किना फासो सरकारले एक विज्ञप्ति जारी गर्दै एघार जनाको मृत्यु भएको, २० सैनिकसहित २८ जना घाइते भएको जानकारी दिएको छ । त्यस्तै करिब ५० जना सर्वसाधारण बेपत्ता भएका विज्ञप्तिमा जनाइएको छ ।

आक्रमणकारीहरूको खोजी जारी रहेको विज्ञप्तिमा भनिएको छ । बुर्किना फासोमा २०१५ यता सुरक्षा अवस्था बिग्रिएको छ । पश्चिम अफ्रिकी यस राष्ट्रमा भएका आक्रमणहरुमा एघार सय भन्दा बढी मानिसहरूको मृत्यु भएको छ । १९ लाख भन्दा बढी अन्य विस्थापित भएका छन् ।

प्रतिक्रिया दिनुहोस
Advertisement