कांग्रेसले जित्यो एमालेको भन्दा १२१ बढी स्थानीय तह
काठमाण्डु – ३० बैशाखमा सम्पन्न स्थानीय निर्वाचन अन्तर्गत नेपाली कांग्रेसले नेकपा एमालेकोभन्दा १२१ बढी पालिकामा जित हासिल गर्न सफल भएको छ ।
निर्वाचन आयोगका अनुसार ७०३ पालिकाको मतगणना सम्पन्न हुँदा हालसम्म ३११ वटाको प्रमुख तथा अध्यक्षमा नेपाली कांग्रेसका उम्मेदवार विजयी भएका छन् । नेकपा एमालेले हालसम्म १९० वटा पालिकाको प्रमुख तथा अध्यक्ष पद जितेको छ ।
मतगणना भइरहेका पालिकामध्ये १५ वटाको प्रमुख तथा अध्यक्षमा कांग्रेसका उम्मेदवारले अग्रता लिइरहेका छन् । निर्वाचन आयोगले गत वैशाख ३० गते एकसाथ देशका सबै ७५३ वटा पालिकामा निर्वाचन गरेको थियो ।
