नेपालमा पत्रकारमा पहिलोपटक कोरोना भेटियो
काठमाडौं – वीरगन्जका दुई जना पत्रकारमा कोरोना भाइरसको संक्रमण भेटिएको छ ।
मंगलबार वीरगन्जका ३९ जनामा कोरोना भाइरसका संक्रमित भेटिएका थिए । जसमध्ये दुई जना पत्रकार पनि परेका छन् । नेपालको हकमा पत्रकारमा कोरोना भेटिएको यो पहिलो पटक हो ।
आज एकैदिन ५७ जना व्यक्तिमा संक्रमण देखिएको छ । नेपालमा हालसम्म कोरोना संक्रमितको संख्या १९१ पुगेको छ ।
