कोरोना संक्रमणबाट एकै परिवारका तीन जनाको मृत्यु

काठमाण्डु- दुई साताको बीचमा एकै परिवारका तीन जनाको कोरोना कोरोना संक्रमणबाट ज्यान गएपिछ उदयपुरको त्रियुगा नगरपालिका वडा नम्बर २ लाई सिल गरिएको छ ।

गाईघाट—फत्तेपुर सडकखण्डको दक्षिणतर्फ पर्ने खैचनपुरलाई सिल गरिएको वडा नम्बर २ का अध्यक्ष घमानसिंह खत्रीले बताए । उनका अनुसार प्रमुख जिल्ला अधिकारीको अनुमति लिएर स्थानीय प्रहरी र टोल विकास समितिको बैठक बसेर गएराति १२ बजेदेखि साउन २४ गते राति १२ बजेसम्म वडालाई सिल गर्ने निर्णय भएको हो ।

स्थानीय पोखरेल परिवारका बुवा, छोरा र बुहारीको मृत्यु कोरोना संक्रमणबाट भएको छ ।