कोरोना संक्रमणबाट स्वास्थ्य मन्त्रालयका कम्प्युटर अधिकृतको मृत्यु

काठमाण्डु – कोरोना भाइरस संक्रमणका कारण स्वास्थ्य तथा जनसंख्या मन्त्रालयका कम्प्युटर अधिकृतको मृत्यु भएको छ ।

ललितपुरको गोदावरी निवासी ५१ बर्षीय कम्प्युटर अधिकृत कृष्ण गोपाल श्रेष्ठको उपचारका क्रममा वीर अस्पतालमा निधन भएको मन्त्रालयले जनाएको छ ।

श्रेष्ठको निधनप्रति मन्त्रालयले विज्ञप्ति जारी गर्दै जानकारी दिएको हो ।