बुधबार २९०५ जनामा कोरोना संक्रमण पुष्टि,१८ जनाको मृत्यु
काठमाण्डु- नेपालमा पछिल्लो २४ घण्टामा २ हजार ९ सय ५ जनामा कोरोना संक्रमण पुष्टि भएको छ । १३ हजार २४ जनामा कोरोना परीक्षण गर्दा २ हजार ९ सय ५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
आज देशभर १ हजार ६०६ जना कोरोना संक्रमित निको भएका छन् । त्यसैगरी आज १८ जना कोरोना संक्रमितको मृत्यु भएको छ । आज काठमाण्डु उपत्यकामा ४२५ जनामा कोरोना संक्रमण पुष्टि भएको छ । जसमा भक्तपुरमा ६९, ललितपुरमा ६२ र काठमाण्डुमा २९४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
