काठमाण्डु – यूएईमा जारी आईसीसी यू–१९ महिला टी–२० विश्वकप छनोटमा नेपालकी कप्तान पूजा महतोले शतक हानेकी छन् ।

छनोटअन्तर्गत आज भइरहेको चौथो खेलमा कुवेतविरुद्ध ब्याटिङ गर्दै महतोले ५७ बलमा १२ चौका मद्दतमा १०० रन पूरा गरेकी हुन् ।

उनी नेपाली महिला टोलीका लागि दोस्रो शतक प्रहार गर्ने खेलाडी पनि बनेकी हुन् । यसअघि सियिनर टोलीका लागि रुविना क्षेत्रीले पहिलो शतक प्रहार गरेकी थिइन्।

पूजाले ५७ औं बलमा शतक पूरा गरेकी हुन्। पूजाले आफ्नो इनिङमा १४ चौका प्रहार गरिसकेकी छन्। ६१ बल खेलेकी पूजाले नटआउट ११६ रन बनाएर खेलिरहेकी छन्। उनलाई सोनी पाख्रिनले २३ बलमा २८ रन बनाएर साथ दिइरहेकी छन्।