काठमाण्डुको चन्द्रागिरिमा पहिरो : एकै परिवारका ३ जनाको मृत्यु

काठमाण्डु- काठमाण्डुको चन्द्रागिरिमा पहिरोले पुरिँदा तीन जनाको मृत्यु भएको छ । बिहीबार साँझ सात बजे झरेको पहिरोले चन्द्रागिरि नगरपालिका–२ देउराली नजिक मसिने जाने बाटोमा रहेको रेक्की ध्यान केन्द्र पहिरोले पुरिँदा तीन जनाको मृत्यु भएको हो ।

पहिरोमा पुरिएर मृत्यु हुनेमा ५२ वर्षीय राजु श्रेष्ठ, उनकी श्रीमती ४५ वर्षीया रेखा श्रेष्ठ र डेढ वर्षकी उनकी छोरी सारथि रहेका वडाध्यक्ष भाइकृष्ण तामाङले जानकारी दिए ।

अविरल वर्षापछि मध्यरातमा आएको पहिरोले ध्यान केन्द्र पुरिएको हो ।