युवायुवतीको प्रेम सम्बन्धको विषयलाई लिएर धनुषामा विवाद भएपछि…
काठमाण्डु- धनुषामा प्रहरी र स्थानीय बासिन्दाबीच झडप भएको छ । बिहीवार धनुषाको औरही गाउँपालिका १ पौडेसरमा प्रहरी र स्थानीय बासिन्दाबीच झडप भएको हो ।
युवायुवतीको प्रेम सम्बन्धको विषयलाई लिएर दुई समूहबीच विवाद उत्पन्न भएको थियो । एक समूहले सडक अवरुद्ध गर्दै प्रदर्शन गरेपछि प्रहरीले बल प्रयोग गरेर खुलाउने प्रयास गर्दा विवाद बढेको थियो । त्यसपछि प्रहरीले स्थिति नियन्त्रणमा लिन ७ सेल अश्रुग्यास प्रहार गरेको हो ।
