सुनसरी– धरानबाट १४ सय २० किलो गाँजा र ट्रक बरामद गरिएकाे छ ।

जिल्ला प्रहरी कार्यालय सुनसरी धनकुटाबाट धरानतर्फ आउँदै गरेको ट्रकमा लोड गरिएको एक हजार ४२० किलो गाँजा बरामद गरेको हो ।

आज बिहान मुला लोड भएको को१ख ४७३३ ट्रकमा ४४ बोरा गाँजा फेला परेको हो ।

गाँजासहित प्रहरीले मोरङको सुन्दर हरैचा नगरपलिका-७ गछियाका ३४ वर्षीय राजकुमार दाहाल र धनकुटाको शहीदभूमी गाउँपालिका-७ का ४१ वर्षीय भुपेन्द्र राई पक्राउ परेका छन् ।

प्रहरीका अनुसार बरामद भएको गाँजा भारत पठाउनका लागि ल्याइएको हो ।